Αίτηση συγγνώμης
(Αγίου Μακαρίου του Αιγυπτίου)
Ο Θεός ιλάσθητί μοι τω αμαρτωλώ, ότι ουδέν εποίησα αγαθόν ενώπιόν σου. Αλλά ρύσαι με από του πονηρού και αξίωσόν με ακατακρίτως ανοίγειν το στόμα μου το ανάξιον και ανυμνείν το πανάγιον όνομά Σου, του Πατρός και του Υιού και του Αγίου πνεύματος. Συγχώρησόν μοι, Κύριε, παν άτοπον όρμημα της καρδίας μου, ο ετάζων καρδίας και νεφρούς. Συ γαρ γινώσκεις, Δέσποτα των απάντων, ότι ακούσιά μου εισίν. Συγχώρησόν μοι αναξίως προσερχομένω Σοι, διότι σε επόθησα και σε ποθώ. Συγχώρησόν μοι τω αμαρτωλώ, τω πονηρώ, τω ψεύστη, τω ανυπομονήτω, τω ολιγοψύχω, τω ραθύμω και αμελητή των αγίων σου εντολών, τω πάσαν και παντοίαν ανομίαν τελέσαντι και αμαρτίαν εν γη, εν θαλάσση και εν παντί τόπω της Δεσποτείας σου, Κύριε. Ενώπιον των αλαθήτων σου οφθαλμών ούκ επαυσάμην πάντα τα πονηρά εργάζεσθαι και ακμήν ο εχθρός γαστριμαργίαις και ηδοναίς και πονηραίς επιθυμίαις, δόλοις τε και κενοδοξίαις και βλασφημίαις εμπλέκειν με ου παύεται. Αλλά συ, Κύριε, ως μόνος ων ελεήμων, πανάγαθος, βοήθησόν μοι και σώσον με ως τον άσωτον και τον τελώνην και την πόρνην και τον ληστήν. Ναι Δέσποτα φιλάνθρωπε μη βδελύξη με τον αμαρτωλόν και αχρείον οικέτη σου, πρεσβείαις της παναχράντου Δεσποίνης ημών Θεοτόκου και πάντων σου των Αγίων, ότι ευλογητός ει εις τους αιώνας των αιώνων,
Αμήν.
